شعرهای عبد فانی

                

مشکل لرین آسان اولاجاخدور

صبر اِیله اوغول ، دردیوه درمان اولاجاخدور

مشکل لروین ، بیر به بیر آسان اولاجاخدور

یارانه آلوب ، کم کم اولار سان بالا پولدار

بوندان بله نو شلوار و کاپشان اولاجاخدور

گر یوخدو تویوخ سفرادا، آه چکمه چورک یه

سفراوه گلیب نفت، سنه  جان اولاجاخدور

*بیر ایلدی اگر تخته اولوب درب مغازه

کورپی سالونا ،ایشده فراوان اولاجاخدور

آشقام چاقی ، مشدی تقی نین اوغلو دییردی

بهمن ده بو کورپی ، هامی پایان اولاجاخدور

هرچند بیکار سان ،چوغادوبلار سنی ایشدن

قانون گله جاخ ، شهریمیز استان اولاجاخدور

یالقوزلوقا ،صبر ایله، اروج توت  گجه گوندوز

سنت گله جاخ ،خلق  مسلمان اولاجاخدور

حقین بالا جان طویدی، پولوم یوخدی   دانوشما

گرحقی دانوشسان بالاجان، قان اولاجاخدور

ایش وامینه آد یازموشام ،گر ورسله وامی

هم طوی اِده سن ، هم که ددی خان اولاجاخدور

تصمیم توتوب جونس، اِده قرآنه اهانت

گر بو غلطی اِیلیه طوفان اولاجاخدور

ای عبد فنا ، مردم آیوخدور نه غمین وار

آخرده ، هامی بوذر و سلمان اولاجاخدور

عبد فانی(علی دولتی)

*اشاره به ساخت پل هوایی در نزدیکی مغازه که باعث تعطیلی مغازه شده است